Ajax, Barcelona, Liverpool dhe Tottenham janë katër ekipet gjysmëfinaliste të këtij sezoni në Champions League. Përveç Totenhem që synon trofeun e parë në histori, tre ekipet e tjera kanë përvojë, madje ambiciet e tyre janë aq të forta, saqë Ajaksi dhe Liverpuli rrallëherë kanë gabuar për të prekur finalen. Surpriza e këtij sezoni, Ajaksi, ka pësuar vetëm një humbje me Real Madrid, të cilën e përmbysi në ndeshjen e kthimit, ndërkohë që ka edhe numrin më të madh të ndeshjeve, plot 16, për shkak se e ka nisur garën nga ato kualifikuese.
Barcelona ka arritur më tepër se ekipet e tjera në gjysmëfinale të këtij kompeticioni, por nga 15 raste, në 7 prej tyre e ka prekur finalen e madhe dhe 8 herë është eliminuar. Barça e ka ngritur pesë herë trofeun, 3 prej të cilëve në dekadën e fundit. Totenhem nuk ka arritur asnjë herë në finale, madje gjysmëfinalen e parë e ka të largët, 1962, kur u eliminua nga Benfika. Liverpool ka arritur 10 herë në gjysmëfinale, duke shkuar plot 8 herë në finale e duke e ngritur plot pesë herë trofeun. Ajax ka shkuar tetë herë në gjysmëfinale duke e prekur 6 herë finalen dhe e ka fituar katër herët trofeun. /A.M/
Gjysmëfinalet 2018/19
Totenham -Ajax: 30 Prill & 8 Maj
Barcelona -Liverpool: 1 & 7 maj
Ajaksi
Këtë sezon: N (16) F(9) B(6) H (1) G+ (32) G- (14) (përfshirë kualifikueset)
Golashënuesi më i mirë: Dusan Tadiç (6, ose 9 me kualifikueset )
Gjysmëfinalja e fundit: 1996/97, 1-6 ndaj Juventus
Arritjet më të mëdha: 4 herë Kampione (1971, 1972, 1973, 1995)
Barcelona
Këtë sezon: N (10) F(7) B(3) H (0) G+ (23) G- (6)
Golashënuesi më i mirë: Lionel Messi (10)
Gjysmëfinalja e fundit: 2014/15, 5-3 kundër Bayern Mynih
Arritjet më të mëdha: 5 herë Kampione (1992, 2006, 2009, 2011, 2015)
Liverpool (Angli)
Këtë sezon: N (10) F(6) B(1) H (3) G(+18) G (- 9)
Golashënuesit më të mirë: Firmino, Mane, Salah (4)
Gjysmëfinalja e fundit: 2017/18, 7-6 ndaj Romës
Arritja më e madhe: 5 herë Kampione (1977, 1978, 1981, 1984, 2005)
Totenhem (Angli)
Këtë sezon: N(10) F(5) B(2) H(3) G+ (17) G- (14)
Golashënuesi më i mirë: Harry Kane (5)
Gjysmëfinalja e fundit: 1961/62, 3-4 me Benfikën
Arritja më e madhe: gjysmëfinalja (1962)