Konflikti me presidentin, Bardhi: Sajesë e Ramës për të larguar vëmendjen nga vjedhjet e tij

Konflikti me presidentin, Bardhi: Sajesë e Ramës për të larguar vëmendjen nga vjedhjet e tij
Sekretari i Përgjithshëm i PD-së, Gazmend Bardhi, deklaron se telenovela për shkarkimin e Presidentit është vetëm një sajesë vere për të fshehur aferat korruptive të Edi Ramës.

“Edi Rama e ka të qartë se telenovela me shkarkim presidenti është vetëm nje sajesë vere dhe abuzim me fondet publike.

Presidenti i Republikës nuk ka kryer asnjë shkelje, por ka ushtruar kompetencën e tij kushtetuese për t’u garantuar qytetarëve të drejtën për të zgjedhur në një sistem demokratik dhe pluralist.

Duke shfaqur telenovelën bajate, me aktorë kryesorë personazhet e dosjeve 184 dhe 339 të blerjes së zgjedhjeve me krimin, Edi Rama do që të mos flitet për krimet e tij ndaj shqiptarëve.

Do qe të mos flitet për tarifën e re për karburantin;

Do qe të mos flitet për koncesionin e ri 250 milionë euro të Milot Balldre;

Do që të mos flitet për mungesën nga korrupsioni të rreth 60 milionë eurove në 6 muaj nga doganat dhe tatimet;

Do që të mos flitet për borxhin e lartë publik, të fshehur tek PPP-të;

Do që të mos flitet për kapjen e drejtësisë;

Do që të mos flitet për lidhjet e tij direkte me krimin e organizuar;

Do që të mos flitet për dështimin e tij në hapjen e negociatave me Bashkimin Europian; dhe, mbi të gjitha,

Do që të mos flitet për refuzimin plebishitar, që 85% e shqiptarëve i bënë regjimit të tij, për ndryshimin që duan shqiptarët.

Me apo pa telenovelën e verës së Edi Ramës, shkelësit më të madh të Kushtetutës, sot një gjë është e qartë: Vendimi kushtetues dhe i përgjegjshëm i Presidentit i shërben njerëzve dhe interesit publik. Ndërsa votimet moniste të 30 Qershorit, siç shprehet edhe OSBE/ODIHR, u mbajte?n pa e marre? fare ne? konsiderate? interesin e qytetareve”, shkruan Bardhi në rrjetin social. /l.k./

Foto Google

loading...
loading...