Janë sekuestruar në portin e Durrësit 2494 koli cigaresh, të cilat ishin bërë gati për transport kontrabandë.
“Gjatë kontrollit të kontenieriereve të cigareve u konstatua se të gjitha paketat ishin pa pullë fiskale. Sasia që u sekuestrua është 2494 koli, ose 1 247 000 paketa të markës “Manchester” lloji “Black Queen” dhe“Blue Queen”, thuhej në njoftimin e autoriteteve.
Ndërsa vlera e mallit të sekuestruar nëse do të dilte në treg përllogaritet afro 184.6 milion lekë.
Ky është kontenieri i tretë që sekuestrohet nga Hetimi Doganor në një periudhë kohe prej 3 muajsh, ku në muajin Prill u sekuestruan 1000 koli me cigare.