500 djem dhe burra abuzohen seksualisht dhe torturohen në një godinë që dihej se ishte shkollë

Policia e Nigerisë thotë se ka shpëtuar rreth 500 burra dhe djem nga një ndërtesë, në qytetin verior të Kaduna, ku dyshohet se u torturuan.

Ata u gjendën në ndërtesën e një shkolle islamike, dhe në mesin e tyre kishte një numër të madh të fëmijëve.

Disa u gjetën të lidhur me zinxhirë, tha policia.

Shefi i policisë në Kaduna, Ali Janga, i tha BBC-së, se ndërtesa u sulmua pasi që autoritetet morën informacionin mbi një aktivitet të dyshimtë.

Ai e përshkroi atë si një "shtëpi torturash" dhe një vend të skllavërisë njerëzore.

Të ndaluarit thanë se ishin torturuar, abuzuar seksualisht, ishin të uritur dhe e kishin të ndaluar të largoheshin nga ndërtesa.

Disa prej tyre kishin qëndruar aty për disa vjet. Në mesin e robërve kishte edhe fëmijë pesë vjeç, tha policia.

Nuk është ende e qartë se si përfunduan në atë ndërtesë.

VIDEO