ALB
ENG
Nga Aranit Muraçi
Kukësi, me trofeun e kupës pret biletën në Europa League, të drejtë që e merr edhe si vend i dytë duke nxitur betejën për vendin e katërt, ose Europa League, mes Flamurtarit, Laçit dhe Teutës.
Fatet e Tiranës për të siguruar mbijetesën varen nga derbi i kryeqytetit, ndaj Partizanit. Derbi i madh i kryeqytetit, gjatë fundjavës, ndonëse Partizani ka bërë llogari për të festuar matematikisht titullin, nga ana tjetër Tirana kërkon të sigurohet për të mos rënë në një kategori më poshtë. Partizani do të luajë në “Selman Stërmasi” si ekip pritës dhe do të mjaftohet me një fitore, apo një barazim, ose të mbajë shpresat që Kukësi të mos fitojë në Gjirokastër, për të festuar me tifozët. Me diferencën prej 10 pikësh, Partizanit i dalin llogaritë në tre javët e fundit llogaritë e Partizanit .
Llogaritë
Kastrioti i Krujës, pesë pikë më pak se Tirana dhe Luftëtari, në katër javët e fundit luan kartat e mbijetesës me shpresën se mund të arrijë njërën nga dy ekipet e tjera. Kastrioti ka pasur një ecuri të jashtëzakonshme në pjesës e dytë të garës. Por do ta ketë të vështirë të arrijë të paktën Tiranën, që shihet nga kalendari më e rrezikuar, përmes ndeshjes direkte. Ekipi krutan këtë javë pret Flamurtarin, që ka ambicie për Europën. Më pas është përplasja direkte me bardheblutë. Tirana në përballjen direkte me Kastriotin një javë më vonë shpreson që të mbajë diferencën aktuale, ose të ketë të paktën tre pikë më tepër, që në çdo rezultat të mundshëm të mos i rrezikohet mbijetesa. Luftëtari nga ana tjetër shihet më i favorizuar. Kjo sepse gjirokastritët presin Kamzën (tre pikë të sigurta) dhe Partizanin në javën e fundit, me të cilin llogaritë i dalin mirë, ngaqë i fituan dy ndeshjet e fundit me të kuqtë.
Europa
Mbetet e hapur beteja për vendin e tretë, që siguron një biletë në Europa League. Flamurtari, Laçi dhe Teuta luajnë shanset e tyre, për këtë pozicion, garë që shihet e hapur deri në javën e fundit. Por edhe vendi i katërt shihet me po aq interes, pasi, nëse Kukësi i vendit të dytë fiton Kupën e Shqipërisë, e drejta e pjesëmarrjes së skuadrës së tretë në Europa League për ekipet shqiptare shkon për vendin e katërt në kampion. Për Skënderbeun, për shkak të dënimit 10-vjeçar nga UEFA, dënim që mbetet ende në fuqi, çdo pozitë në klasifikim, nuk do të ketë vlerë.
Ndeshjet e javës
12 maj - 16:30
Skënderbeu - Teuta
Luftëtari - Kukësi
Kastrioti - Flamurtari
Partizani - Tirana
Laçi - Kamza
Klasifikimi
Partizani 65
Kukësi 55
Flamurtari 48
Teuta 48
Laçi 46
Skënderbeu 46
Tirana 40
Luftëtari 40
Kastrioti 35
Kamza 17
Ndeshjet e mbetura
Java e 34/ 15 maj
Luftëtari-Kamza
Kukësi - Skënderbeu
Teuta - Partizani
Tirana - Kastrioti
Flamurtari - Laçi
Java e 35/ 19 maj
Laçi - Tirana
Kastrioti - Teuta
Partizani - Kukësi
Skënderbeu - Luftëtari
Flamurtari - Kamza
Java e 36/26 maj
Kamza –Skënderbeu
Luftëtari - Partizani
Kukësi - Kastrioti
Teuta - Laçi
Tirana - Flamurtari