Helmoi vjehrrën dhe u rrëfye te hoxha, prokuroria kërkon 35 vite burg për nusen

Prokuroria mbyll hetimet dhe kërkon 35 vjet burg për Marjana Çmetën.

Për nusen e re që helmoi vjehrrën me fotoksinë, ngjarja e ndodhur më 30 prill 2018,  nga organi i akuzës është mbyllur dosja që ka shkuar për gjykim në pritje të vendimit nga gjykata.

Organi i akuzës ka shpallur fajtore për vrasje me dashje, Marjana Çmetën, ndonëse fillimisht vdekja e vjehrrës së saj,  Lirie Lami, në Kamëz, u raportua si natyrale.

Por pas dyshimeve, nga hetimet, doli në dritë, një tjetër histori shumë më të rëndë.

Pas debateve në familje Marjana Çmeta rezultoi se e kishte helmuar vjehrrën e saj, krim të cilin anëtarët e tjerë të familjes nuk kishin marrë guximin ta denonconin.

Hetimet nxorën se ata pavarësisht dyshimeve që kishin pasur, i druheshin më tepër opinionin publik.

Për moskallëzim krimi, bashkëshorti i viktimës u dënua me 4 muaj burg, që do konvertohet në shërbim prove.

Nusja e shtëpisë e kishte rrëfyer krimin tek hoxha i zonës, Hysen Shehu, i cili rrëfimin e saj e kishte regjistruar në video. Prokuroria ngriti akuza edhe ndaj hoxhës, por çështja në ngarkim të tij u pushua.

Pritet vendimi i gjykatës pas kërkesës së prokurorisë, për dënimin e Marjana Çmeta.

/Afp.al/