Rama dhe trajneri italian vizitojnë portierin në spital. Ja kur do t'i rikthehet Aldo Teqja Partizanit?

Shefi i klubit Partizani, Olsi Rama si dhe trajneri italian, Franco Lerda dhe pjesëtarë të stafit të klubit kryeqytetas kanë shkuar sot pasdite për të parë gjendjen e fundit të portierit Aldo Teqja, në Spitalin e Traumës.

Gati një javë nga aksidenti, kur Teqja u tha se ra aksidentalisht nga kati i gjashtë i pallatit ku edhe banonte, gjendja e tij duket e përmirësuar ndjeshëm.

Siç e tregon edhe fotoja që drejtuesit e Partizanit ndanë me tifozët pas vizitës në spital të portierit, Teqja është drejt rikuperimit të plotë, ndërsa Partizani nuk e përjashton rikthimin e tij të shpejtë në fushë.

Klubi Partizani:

"Klubi njofton se gjendja shëndetësore e portierit Aldo Teqja është drejt përmirësimit të plotë. Shumë shpejt pjesëtari i skuadrës pritet të lërë ambientet e spitalit të Traumës. Klubi dhe tifozët vazhdojnë ti qëndrojnë pranë Aldos përgjatë gjithë periudhës së qëndrimit të tij në ambientet e spitalit. " NOA.al