Në fakt 120 minutat e sfidës në “Elbasan Arena” dhuruan jo pak emocione dhe raste për gol pavarësisht se të dyja ekipet nuk arritën dot të gjenin rrugën e rrjetës, si në rastin e Xhafës për Lushnjën në të 37-tën, apo Rezin në të 40-tën që gaboi përballë Spahos.
Portierët duket se ishin të destinuar për të qenë protagonistët e sfidës sepse në të 47-tën, Gjonikaj u tregua i jashtëzakonshën në pritjen e Cankës, ndërsa në të 60-tën Spaho u kundërpërgjigj me një pritje ndaj Nimanit.
Gjonikaj shfaqi aftësitë e tij dhe në minutën e 109 kur ndali dhe Cankën, përpara se nga pika e bardhë e penalltisë të tregonte cilësitë e tij duke mos lejuar Celën të shënonte që në penalltinë e parë.
Gabimi më pas i Byzhytit në penalltinë e katërt i dha Kolecit mundësinë e fitores së Kamzës, por Koleci u tregua i pasaktë. Gjithsesi gjithcka u vendos te penallti e fundit e shënuar nga Mehmeti, që i dha Kupën e Kampiones së Kategorisë Kamzës, që ju dorëzua ekipit të Ramadan Ndreut nga presidenti i FSHF-Armand Duka. /e.a/
