Astrit Patozi e ka me situatën e krijuar në Partinë Demokratike dhe atë që po ndodh me garën për kryetarin.
Sipas tij, PD-ja e ka gjetur njeriun që fiton gjithnjë në garën e saj të brendshme, por i duhet të gjej atë që “mposht” në zgjedhje kundërshtarët politikë.
Në statusin e tij në rrjetin social ish-nënkryetari i PD-së, Astrit Patozi ironizon komisionin Gjana.
“Një miku im i paangazhuar në politikë më shkruante dje: ‘Partia Demokratike e ka gjetur njeriun që e fiton gjithmonë garën brenda partisë. Tani i duhet të gjejë edhe një tjetër që të fitojë garën me partitë e tjera’
Emrin e autorit nuk po e them sot për dy arsye. E para, se nuk e kam marrë lejen e tij dhe nuk e di nëse kjo do t'i pëlqejë. Por më kryesorja, se kam frikë që kjo mund të ndikojë për të prishur paanësinë deri tani perfekt të Komisionit të Jemin Gjanës”, shkruan Patozi./l.k/
(Foto: Google)
