Skuadra e portierit të kombëtares sonë Etrit Berisha fitoi 3-2 ndaj Bolonjës.
Por në takimet e ditës së sotme, edhe Milan dështoi përballë Empolit, brenda në shtëpi, 1-2. Milani me pronarët e rinj kinez nuk e ka shijuar ende fitoren në këto dy javë. Lapadula shkurtoi diferencën në 72’ për Milan, ndërkohë miqtë humbën më herët edhe një 11- metërsh. Kjo humbje e la Milan në vend të 6-të, pesë pikë pas Atalantës.
Portieri tjetër i kombëtares sonë, Thomas Strakosha ishte në fushë, titullar me Lazio, ku përjetoi emocionet e një fitoreje tenistike ndaj Palermos. Lazio fitoi 6-2. Strakosha pësoi dy gola, në pjesën e dytë, kur rezultati ishte 5-0 në favor të skuadrës së tij. Lazio mban vendin e katërt, një pikë para Atalantës.
Në ndeshjet e tjera, Kievo humbi 1-3 me Torinon. Sampdoria gjithashtu humbi në shtëpi, 1-2 me Crotone. Udineze shmangu disfatën në shtëpi, pasi fitoi 2-1 ndaj Cagliari.
Në garë për titull, Napoli barazoi 2-2 në fushë të Sasuolo. Mbrojtësi i kombëtares sonë, Elsied Hysaj ishte titullar për ekipin e tij, që mbeti plot 9 pikë pas Juventus kryesues. Bardhezinjtë mund ta thellojnë diferencën edhe më tepër, pas ndeshjes së mbrëmjes së sotme, me Genoa.
Roma e vendit dytë mbyll javën e 33-të në Seria A, pasi luan nesër në fushë të Pescara.
Roma pas 32 javëve të para ka 72 pikë, 8 më pak se Juventus.
Seria A – Java e 33-të
22 prill
Atalanta-Bologna 3-2
Fiorentina-Inter 5-4
23 prill
Sassuolo-Napoli 2-2
Milan-Empoli 1-2
Chievo-Torino 1-3
Lazio0-Palermo 6-2
Sampdoria-Crotone 1-2
Udinese-Cagliari 2-1
20:45 Juve - Genoa
24 prill
20:45 Pescara - Roma
/a.m/
