Ngjarja e rëndë ka ndodhur në një lokal pranë Ujit të Ftohtë, 50 metra larg shëtitores, ku një person i paidentifikuar, ka qëlluar me armë në drejtim të palës tjetër.
Nga përleshja me armë , një 33 vjeçar ka mbetur i vrarë ndërsa janë plagosur 3 të tjerë.
Policia e Vlorës informon se: Rreth orës 23:20 minuta (20 prill 2o17) një person ende i paidentifikuar ka qëlluar në drejtim të palës tjetër pas një konflikti të çastit. Për pasojë ka mbetur i vrarë Ergys Gjioveshaj, 33 vjeç banues ne Vlorë, si dhe janë plagosur 3 shtetas të tjerë të cilët janë dërguar në Spitalin Rajonal Vlorë për ndihmë mjekësore. Të plagosurit janë: Florian Hila 28 vjeç, Arslonel Llanaj 32 vjeç, Arta Luka 26 vjeçe.
Të tre të plagosurit ndodhen jashtë rrezikut për jetën. Mes të plagosurve është dhe kamarieri i lokalit.
Policia ndodhet në vendngjarje duke kryer të gjitha hetimet e nevojshme për zbardhjen e plotë të kësaj ngjarje.
Në polici lidhur me këtë krim janë shoqëruar në polici 3 persona me të cilët po punohet për zbardhjen e ngjarjes.
Janë ngritur postblloqe policie si dhe forca të shumta policore po krehin zonën përreth vendngjarjes për kapjen e autorit.
/e.g/