Trajneri Jose Mourinho e shihte edhe si hakmarrje sfidën ndaj ish-ekipit të tij në Premier League.
Manchester United shumë takime të kaluara në “Old Tratford” i kishte mbyllur në barazim. Por Rashford në 7’ dhe Herrera në 49’ i dhanë fitoren e pastër 2-0 “Djajve të Kuq” ndaj Chelsea.
Totenhemi fitoi 4-0 një ditë më parë dhe ndodhet aktualisht në vend të dytë, me 71 pikë, ose katër më pak se Chelsea, kur mbeten edhe gjashtë javë nga përfundimi i kampionatit anglez.
Manchester United ndodhet në kuotën e 60 pikëve, në vend të 5-të pas kësaj fitoreje, ose 4 pikë pas Manchester City dhe 5 pikë pas Liverpul, dy ekipet e fundit që janë në zonën Champions.
Por United ka dy ndeshje më pak se Liverpuli dhe një ndeshje me pak se Manchester City, çka do të thotë se kjo fitore i rrit ndjeshëm shanset e Djajve të Kuq për t’u rikthyer sezonin tjetër në Champions League.
/a.m/