Portieri i Lyon, Mathieu Gorgelin, u kacafyt me një grup tifozësh që pushtuan fushën, para se forcat e sigurisë të ndërhynin për të vendosur qetësinë. Lojtarët u futën në dhomat e zhveshjes pas pjesës së parë, ndërsa kjo ndeshje e Ligës 1, nisi rreth 55 minuta me vonesë.
Gjyqtari pas mbylljes së pjesës së parë, 0-0, vendosi për ndërprerjen e ndeshjes.
Javë problematike për Lion, pasi trazira pati edhe në ndeshjen e së enjtes në Europa League, me Beshiktash.
Në këtë ndeshje u përleshën tifozët dhe si rrjedhojë takimi nisi 45 minuta me vonesë.
Lion po përballet me akuza nga kjo ndeshje, duke rrezikuar dënimin me 4 ndeshje për hedhje të fishekzjarrëve, pengimin e forcave të sigurisë dhe mungesë të organizimit të ndeshjes dhe pushtim të fushës pas golit.
/a.m/
