Armando Sadiku, 26-vjeç, pasi mbërriti në Varshavë të mërkurën për testet mjekësore, zyrtarisht është një futbollist i Legias, duke firmosur edhe një kontratë 3 vjeçare me kampionët e Polonisë. Legia zgjodhi edhe çështjen e kartonit të Sadikut me Zyrih, që sezonin e kaluar e huazoi te Lugano. Ndërkaq, Legia e Varshavës e drejtoi vitin e kaluar për një periudhë të shkurtër trajneri shqiptar Besnik Hasi, i cili drejton aktualisht Olympiakos. Ndeshja e fundit e Sadikut ishte ajo në Izrael, më kombëtaren e Shqipërisë, ku ai shënoi në fitoren 3-0, dy golat e parë që rikthyen kuqezinjtë në vend të tretë të kualifikueseve të botërorit rus.
Sadiku shënoi dy gola në fitoren e fundit ndaj Izraelit, e vlefshme për kualifikueset e Kupës së Botës, Rusi 2018, që kuqezinjtë e fituan 3-0. Kjo fitore mban kuqezinjtë në vend të tretë.
Në kujtim të tifozëve shqiptarë ai do të mbahet mend veçanërisht për golin historik që shënoi ndaj Rumanisë, në fitoren 1-0, gjatë fazës së grupeve të Euro 2016.
Karriera e Sadikut:
2008–2009 Turbina 40 (10)
2009–2010 Gramozi 28 (8)
2010–2011 Elbasani 14 (5)
2011–2012 Locarno 39 (28)
2012–2013 Lugano 43 (24)
2014 -2015 Zürich 43 (10)
2016 - Vaduz (huazim) 16 (7)
2017 - Lugano (huazim) 16 (9)
2017 -2018 Legia Varshavë
Ekipi kombëtar
2010–2011 Shqipëria U–19 1 (0)
2011–2012 Shqipëria U–21 7 (6)
2012 – Shqipëria 28 (9)