Ai ka shkuar në vendlindjen e tij Shijak, ku ka zgjedhur restorantin e një kuzhinieri të njohur, Fundim Gjipali, i cili në profilin e tij zyrtar publikoi edhe një foto nga dreka e parë kuqezi e trajnerit italian, Panucci.
“Ne nga Shijaku mbahemi për qejf, alegri dhe mikpritje. Por mbi të gjitha kur bashkohen shijakësit, bëhet super lojë :)
“Me Armand Dukën dhe trajnerin e ri të Kombëtares Shqiptare Christian Panucci në drekën e parë në Padam. Suksese mjeshtër!” – shkruan Gjipali.
Përveç trajnerit Panucci në tavolinë janë edhe bashkëpunëtorët e ngushtë të presidentit të FSHF-së në federatë. Ajo që bie në sy është prania e Ervin Bulkut, ish-ndihmës i Gianni de Biasi, i cili duket se do të vazhdojë të ruajë të njëjtin pozicion si ndihmësi i Christian Panucci. Nga ky i fundit pritet përzgjedhja e dy ndihmësve shqiptarë, pasi ka vendosur rreth stafit italian.
Christian Panucci do të marrë me vete stafin e besuar, me të cilët punon prej vitesh. Ndihmës i tij do të jetë Paolo Rodolfi, 58-vjeç, asistent i tij te Ternana. Përgatitës fizik do të jetë Alessandro Ciullini, 53-vjeç, punoi te Liverno me Panucci gjatë sezonit 2015-2016. Ai do të ketë në staf edhe një ndihmës për analizat e kundërshtarëve, Alariço Rossi. Pjesë e stafit të tij do të jenë edhe dy profesionistë vendas, që besohet se janë të njëjtit që pati De Biasi, Ervin Bulku dhe Ilir Bozhiqi.
/a.m/
