Shqiptarët duket se nuk preferojnë më tokën për të udhëtuar, por qiellin për të fluturuar. Ky është trendi që bie në sy në Shqipëri, sa u përket udhëtimeve, konstatuar nga të dhënat më të fundit zyrtare.
Sipas tyre, rezulton se numri i qytetarëve që zgjedhin të udhëtojnë përmes ajrit ka njohur një rritje shumë të madhe gjatë këtij viti në krahasim me vitin e kaluar.
“Në 6-mujorin e parë të vitit 2017, transporti ajror i pasagjerëve zë 63.9% të transportit gjithsej”, citojnë ato. Duke shtuar nga ana tjetër faktin se numri i pasagjerëve që kanë udhëtuar me linja ajrore, në 6-mujorin e parë të vitit 2017 është 1.120.326, duke u rritur me nivelin prej 22.4%, krahasuar me të njëjtën periudhë të një viti më parë.
Duke dhënë vetëm për muajin qershor të këtij viti shifrën e 229.584 pasagjerëve që kanë udhëtuar me linja ajrore, me një rritje prej 26.4%, krahasuar me qershorin e një viti më parë.
Për të renditur më tej shifra gjithmonë në rënie të shqiptarëve që zgjedhin të udhëtojnë me hekurudha apo edhe me rrugë detare. /n.e/