Tajar K., dhunonte sistematikisht gruan e tij, por sot në inat e sipër ai e goditi atë me sende të forta duke e plagosur rëndë.
51-vjeçarja N.K., është dërguar menjëherë nga familjarët në spital për të marrë ndihmë të specializuar.
Mjekët kanë kryer ekzaminimet dhe nga rezultatet e tyre kanë dalë në përfundimin se gruaja është në gjendje të rëndë shëndetësore me rrezik për jetën.
Grupi hetimor po punon për zbardhjen e rrethanave të kësaj ngjarje, por paraprakisht dyshohet se grindja ka lindur pas një debati për motive të dobëta.
“Në datën 18.08.2017, rreth orës 18:15, në fshatin Plug, shtetasi Tajar K., 55 vjeç, në banesë ka goditur me sende të forta bashkëshorten e tij, shtetasen N.K, 51 vjeçe, e cila ndodhet në gjendje të rëndë shëndetësore në Spitalin e Lushnjes.
Policia ka shoqëruar në Komisariatin e Policisë Lushnje, autorin e dyshuar, shtetasin Tajar K.
Grupi hetimor po punon për zbardhjen e rrethanave dhe shkaqeve të kësaj ngjarje”, deklaron zyrtarisht policia. /l.k./
(Foto: Google)
