Trajneri Albert Bunjaki do të lërë drejtimin e përfaqësueses së Kosovës pas ndeshjeve kualifikuese të botërorit, Rusi 2018.
Pas 9 tetorit, Kosova do të jetë në kërkim të një trajneri të ri.
Presidenti i FFK-së, Fadil Vokrri, konfirmoi se kanë gjetur gjuhën e përbashkët me Bunjakin që ai të largohet pas dy ndeshjeve të mbetura.
Federata e Futbollit të Kosovës është duke shqyrtuar që tani mbi emrin që do të pasojë Bunjakin. Në listë është edhe emri i trajnerit shqiptar, Ernest Gjoka.
Pasi shpalli Kukësin kampion, Gjoka u largua nga drejtimi i këtij ekipi pas ndeshjeve kualifikuese të Champions dhe është aktualisht pa ekip.
Ai vlerësohet si një ndër trajnerët më të mirë që ka Shqipëria dhe njeh mirë disa nga lojtarët e përfaqësueses së Kosovës, ndërsa detryrë kryesore e tij do të jetë përgatitja e ekipit në eliminatoret e Euro 2020.
/a.m/
