ALB
ENG
Ka përfunduar maratona e Tiranës 2017. Fituese në venin e parë të garës prej 21 Km është shpallur atletja shqiptare Luiza Gega. Pavarësisht se Gega vinte nga një dëmtim në tendinë ajo ka mundur të rrëmbejë vendin e parë mes shumë garuesve të tjerë. Ajo tha se gjysma e çmimi do të shkojë për personat me aftësi të kufizuar. “Ishte një garë e vështirë për mua. 21 km është hera e parë që e bej seriozisht dhe theva një rekord prej 9 minutash që është shumë. Unë kisha deklaruar se do të thyeja rekordin, por diku tek 6 minuta, pra ishte një surprizë dhe për mua. Sot kishe edhe një motiv tjetër për të votuar, pasi unë jam ambasadore e kauzës për fëmijët me aftësi të kufizuar, dhe një pjesë e këtij çmimi do të shkojë për ta” u shpreh Gega.
Në këtë maratonë u regjistruan plot 2500 vrapues nga 40 vende të ndryshme të botës. Nisja e maratonës ishte nga sheshi “Nënë Tereza” duke përshkruar disa rrugë të Tiranës. Maratona u zhvillua për 3 kategori: 21 km; 10 km dhe “we too”, gara për persona me aftësi ndryshe.
Çmimet janë:
Për 21 km çmimi i tretë 1 mijë euro, çmimi i dytë 1500 euro dhe çmimi i parë 2500 euro
Për 10 km çmimi i tretë 400 euro , çmimi i dytë 600 euro dhe çmimi i parë 750 euro
“we too”, çmimi i tretë 500 euro, çmimi i dytë 750 euro, çmimi i parë 1000 euro /s.i/afp.al/
Çmimet e kategorisë 21 KM
- Femer I – Luiza Gega
- Femer II – Zita Kacser
- Femer III – Valentyna Kiliarskaja
- Mashkull I – Abel Kibet Rop
- Mashkull II Joel Maina Mwangi
- Mashkull III – David Nikolli
