Një aksident i rëndë, me pasojë plagosjen e rëndë të një personi, identiteti i të cilit nuk bëhet i ditur, ka ndodhur rreth orës 00:15 të natës së kaluar rreth 50 metra në dalje të tunelit të Krrabës. Mësohet se një automjet i tonazhit të rëndë ka dalë nga rruga dhe pasi ka shkatërruar mbrojtëset e rrugës është rrokullisur 1520 metra dhe ka përfunduar në greminë i përmbysur.
Sipas policisë dyshohet se drejtuesi i mjetit duhet të ketë pasur vështirësi në manovrim në një kthesë që fillon pasi daljes nga tuneli. Po kështu shkak për rrëshqitjen e automjetit është bërë edhe terreni i lagësht, si pasoje shirave të rëna gjatë pasdites dhe orëve të para të natës së djeshme. /s.i/afp/