Aranit Muraçi
Ndeshjet e parafundit për 16 më të mirat e këtij sezoni në Champions mbyllen sot, me supersfidën Juve-Barça:
Mbrëmja e djeshme
Në Grupin E: Spartak Moskë (6), Maribor (2), Sevilla (8), Liverpul (9). Liverpool apo Sevilje kualifikofshin në rast fitoreje. Firmino me dy gola në pjesën e parë dhe Mane u duk sikur i siguruan që në pjesë të parë fitoren e thellë anglezëve. Por Sevilja rikuperoi në pjesën e dytë, nga 0-3, në 3-3, dhe mbetet në vend të dytë. Vendosin ndeshjen e fundit. Maribor eliminohet nga ky kompeticion pas barazimit 1-1 me Spartak, rezultat që u vendos në 10 minutat e fundit, ndërsa mesfushori kuqezi Valon Ahmedi nuk u aktivizua në Moskë.
Në Grupin F: Napoli (6), Shakhtar Donetsk (9), Manchester City (15), Feyenoord (0). Man. City siguronte vendin e parë në rast fitoreje apo edhe barazimi me Fejnord dhe nga ana Napoli ndalte Shakhtar. Napoli kryesues i Seria A, skuadra e mbrojtësit kuqezi Elseid Hysaj, duhet të fitonte patjetër me ukrainasit, madje me sa më shumë gola për të shpresuar kualifikimin. Insigne e gjeti golin në pjesën e dytë, Sielinski e Mertens kompletuan fitoren. Napoli shpreson që City të ndalë shahktor në ndeshjen e fundit, ndërsa Fejnord mbetet jashtë Europës.
Në Grupin G: Beshiktash (11), Porto (7), Monaco (2), Leipzig (7). Beshiktash u mjaftua me një barazim ndaj Portos, duke siguruar vendin e parë. Taliska barazoi për turqit në 41’, pas golit të Felipe në 29’. Monaco eliminohet pas humbjes së thellë në shtëpi. Dopietë e Verner që në pjesën e parë e Leipzig me fitoren e thellë ndaj Monaco do të diskutojë kualifikimin në ndeshjen e fundit të grupit.
Në Grupin H: Borussia Dortmund (2), Totenham (13), APOEL (2), Real Madrid (10). Totenhem në rast barazimi në Dortmund siguronte vendin e parë. Borusia Dortmund synonte vendin e tretë. Aubameyang shënoi golin e avantazhit për gjermanët në 31’, por Kane barazoi me fillimin e pjesës së dytë dhe Min Son i dha fitoren londinezëve. Real Madrid kalon më tej si e dyta e grupit me fitoren e thellë në Qipro ndaj APOEL. Benzema shënoi një dopietë në pjesën e parë, Modriç hapi serinë e golave e Fernandez e ktheu në goleadë. Pjesa e dytë u zhvillua për Cristiano Ronaldon, që shënoi dy gola, duke i dhënë fund shterpësisë së tij. APOEL e mbylli me këtë humbje aventurën në Champions.
Mbrëmja e sotme
Në Grupin A: CSKA Moskë (6 pikë), Benfica (0), Basel (6), Manchester United (12). Man. United kualifikohet si kryesues u grupit me një barazim, por kalon edhe nëse CSK nuk fiton. Basel i Taulant Xhakës kualifikohet nëse fiton, ose CSKA humb kurse Benfica duhet të fitojë dhe të shpresojë te humbja e Basel.
Në Grupin B: Paris Saint-Germain (12), Celtic (3), Anderlecht (0), Bayern München (9). Paris blindon vendin e parë në rast se fiton dhe Bayern jo. Celtic mund të vulosë vendin e tretë nëse fiton dhe Anderlecht jo, ose Celtic barazon e Anderlecht humbet.
Në Grupin C: Qarabag (2), Chelsea (7), Atletico Madrid (3), Roma (8). Roma kualifikohet me një barazim, kurse Chelsea me një fitore, ose me një barazim nëse Atletico nuk fiton. Qarabag, ekipi i Ansi Agolli do të mbetet në garë vetëm nëse rast se fiton.
Në Grupin D: Juventus (7), Barcelona (10), Sporting (4), Olympiacos (1). Barcelona kalon si kryesuese e grupit, qoftë edhe me një barazim, por kualifikohet edhe nëse humbet Sporting. Juventus kualifikohet nëse shmang humbjen dhe Sporting nuk fiton me Olympiacos, ndërsa portugezët përveç fitoren u intereson që bardhezinjtë të humbin me Barçën.
Champions League – Dje
Grupi E
Spartak Moskë – Maribor 1-1
Sevilla – Liverpool 3-3
Grupi F
Manchester C. - Feyenoord 1-0
Napoli - Shakhtar D. 3-0
Grupi G
Beshiktas – Porto 1-1
Monaco – Leipzig 1-4
Grupi H
APOEL N. -Real Madrid 0-6
Borusia D. - Totenhem 1-2
Sot
Grupi A
18:00 CSKA M. - Benfica
Basel - Manchester U.
Grupi B
Anderlecht - Bayern M.
PSG- Celtic
Grupi C
18:00 Qarabag - Chelsea
Atletico M. - Roma
Grupi D
Juve - Barcelona
Sporting – Olympiacos