Forca e dallgëve në det të hapur shkon deri në 6 ballë, duke vështirësuar lundrimin.
Autoritetet portuale presin mbërritjen e tragetit rreth orës 12:00, nëse kushtet e motit nuk përkeqësohen.
Por problemet më të mëdha me motin po i përjetojnë vendet fqinje. Në Greqi janë shkaktuar probleme serioze nga reshjet e fuqishme të shiut, paraditen e të mërkurës.
Në Nea Perama dhe Megara, zona në afërsi të Athinës, janë përmbytur banesa, si dhe janë shumë njerëz janë bllokuar brenda në makinat e tyre.
Në aksin rrugor Athinë-Korinth qarkullimi i mjeteve bëhet vetëm në një korsi. Sipas shërbimit zjarrfikës, brenda një ore pati 160 thirrje për ndihmë nga qytetarët.
Shkollat e zonave të përmbytura janë mbyllur këtë të mërkurë.
Në Korfuz, një turist anglez humbi jetën kur makinën ia morën ujërat e rrëmbyer. Në disa ishuj u shpall gjendja e jashtëzakonshme.
Shërbimi meteorologjik i ka vënë emrin “Eurydiki” valës së motit të keq, që pritet të vazhdojë deri në fundjavë.
Por probleme kanë pasur edhe vendet e tjera të rajonit. Reshjet e dëborës dhe moti i keq kanë shkaktuar probleme serioze të qarkullimit në Sllovenia, Kroaci e Bosnje-Hercegovinë.
Kroacia u prej nga një stuhi bore, e cila i detyroi autoritetet të ndalonin lëvizjen e trageteve. Zonat më të prekura ishin ato përreth Capella-s, Slim-it dhe Gorski Kotarit.
Zyrtarët vendas kanë lëshuar paralajmërime për rrëshqitje dheu e kanë kërkuar të mos lëvizet me kamionë me rimorkio.
Pika e kontrollit Pasay në kufirin kroat me Slloveninë është mbyllur, ndërsa në Slloveni në rrugën Lubjane-Koper trafiku u bllokua për shkak të motit.
Temperaturat ranë ndjeshëm dhe në kryeqytetin e Bosnjës dhe Hercegovinës, Sarajevë, ku bora nisi të hënën.
Reshjet e rrëmbyeshme të shiut gjatë 48 orëve të fundit kanë bërë që të rritet ndjeshëm edhe niveli i lumenjve në Mal të Zi, ku shiu pritet të vazhdojë edhe përgjatë ditëve në vijim, ndonëse me intensitet më të dobët.
/a.m/