Disa prej tyre janë shoqëruar në polici. Ngjarja ndodh vetëm një ditë pas incidenteve në ndeshjen e basketbollit, mes dy ekipeve kryeqytetas ku sërish protagonistë do të jenë ultrasit e kuq.
Tre tifozë të ekipit të basketbollit Partizani kanë rënë në pranga për kundërshtim të punonjësve të policisë dhe përdorimin e sendeve të forta ndaj tyre.
Policia ka arrestuar shtetasit Bledar Beca 33 vjeç, Agron Meçanaj 38 vjeç dhe Aden Xh 18 vjeç, të tre banues në Tiranë.
Arrestimi i tyre lidhet me incidentin e regjistruar mbrëmjen e së shtunës, 9 dhjetor 2017, para fillimit të ndeshjes së basketbollit Tirana-Partizani.
Policia sqaron se “rreth orës 17.30, në rruga ”Dritan Hoxha”, para fillimit të ndeshjes së basketbollit e cila do zhvillohej në pallatin e sportit "Asllan Rusi" ndërmjet ekipeve Tirana – Partizani, këta shtetas me disa persona të tjerë ende të pa identifikuar, jashtë ambjenteteve të Pallatit të Sportit, kanë kundështuar me dhunë punonjesit e policisë së forcës së Posaçme "Shqiponjat" dhe shërbimet e tjera të Komisariateve të Policisë Nr 2 dhe 3 duke i goditur me sende të forta, gurë, drunjë e shkopinj bejsbolli”.
/a.m/