Bullgaria dërgon ndihma të shumta për të prekurit nga përmbytjet

Në shenjë solidariteti dhe mirënjohje qeveria bullgare ka vënë në dispozicion të familjeve të prekura nga përmbytjet e fundit mjaft ndihma financiare e ushqimore.

Sipas kryeministrit bullgar Bojko Borisov, ndihma po përgatitet për Shqipërinë, që është edhe vendi më i dëmtuar pas reshjeve intensive të shiut në Gadishullin e Ballkanit. Sipas agjencisë bullgare të lajmeve “Novinite.com”, ndihma është afërsisht 70 000 BGN. Kjo e fundit është siguruar nga rezervat e Ministrisë së Bujqësisë dhe Ushqimit, Ministrisë së Brendshme dhe Kryqit të Kuq Bullgar.

Nga njoftimi i Ministrisë së Brendshme, ndihma e akorduar është 8 ton dhe përmban tenda, batanije, dyshekë, kuti të ndihmës së parë dhe ushqim. Transporti i tyre do të nisë nesër në orën 8:00 me aeroplanin “Spartan” të Forcave të Armatosura.

/f.ç/Albanian Free Press Online/