Gjatë një ceremonie të organizuar, me pjesëmarrjen edhe të Ambasadorit të SHBA-ve në Tiranë, Donald Lu, Xhaçka uroi mirëseardhjen Atasheut të ri Ushtarak, Kapiten i Rangut Dytë James Hilton.
Ministrja falënderoi dhe vlerësoi kontributin e Kapiten Wartell lidhur me rritjen e nivelit të bashkëpunimit në fushën e sigurisë dhe mbrojtjes mes Shqipërisë dhe Shteteve të Bashkuara të Amerikës.
Duke i cilësuar Shtetet e Bashkuara të Amerikës si partnerin kryesor strategjik në fushën e mbrojtjes, Ministrja Xhaçka nënvizoi faktin se këto marrëdhënie tashmë kanë hyrë në një fazë të re dhe më cilësore.
“Qeveria e Republikës së Shqipërisë dhe Ministria e Mbrojtjes është e angazhuar në një proces modernizimi të FA, me synim rritjen dhe përmirësimin cilësor të kapaciteteve operacionale të strukturave tona ushtarake dhe veçanërisht të atyre strukturave që janë pjesë e mbrojtjes kolektive të NATO”, u shpreh ministrja Xhaçka. /f.ç/Albanian Free Press Online/