Kreu i Partisë Demokratike, Lulzim Basha deklaroi se është Edi Rama ai që nuk lejon arrestimin e Saimir Tahirit, pasi mes tyre, ish-drejtorit të policisë Çako dhe Habilajve ka një kod heshtje ku thuhet: “Mos fol për mua se do të flas për ty”.
“Pse nuk lejohet të arrestohet Saimir Tahiri? Sepse të gjithë këta Tahiri, Habilaj, Rama, Çako i lidh kodi i heshtjes, mos fol për mua se do të flas për ty.
Prandaj Rama e ka jetike kapjen e drejtësisë. Ai mund tja mbyllte gojën dhe ndryshe. Por ai ka zgjedhur që ti plotësojë çdo favor që Saimir Tahiri të mos flasë.
Saimir Tahiri është një kundërshtar politik, i cili si shefi i tij është i lidhur me krimin’, tha Basha në emisionin “Fakt” me gazetarin Çim Peka.