Shenja ikonike e Hollivudit shihej duke u lëkundur, por disa vizitorë në këtë observator thonë se tërmeti ishte më i fortë.
"Gjithçka filloi të tundej dhe ndoshta për 15 sekonda dridhjet ishin vërtetë të fuqishme. Pastaj unë thashë oh Zot çfarë të bëj dhe me vrap u strehova nën një tavolinë në dhomën e ndenjies", thotë Olga Tarnovetska, banore e Los Anxhelosit.
Tërmeti shkaktoi shpërthime zjarri në disa shtëpi në Ridgecrest.
“Ka patur lëndime të shumta, dy shtëpi dhe një zonë e vogël pemësh që u përfshinë nga zjarri, dëmtim të linjave elektrike dhe rrjedhje të gazit”, thotë David Witt, Shef i Departamentit të Zjarrfikësve në distriktin Kern.
Ekspertët paralajmërojnë se mund të ketë goditje të tjera.
“Ka 5 për qind shans që mund të ketë një tërmet edhe më të madh në ditët e ardhshme”, thotë sizmologia Lucy Jones.
Tërmeti i së enjtes goditi një zonë shkretëtire të banuar me një komunitet të vogël, kështu që dëmi ishte i kufizuar.
Ky ishte tërmeti më i madh që ka goditur Kaliforninë Jugore në 20 vjet.
Marrë nga VOA