Një grua 42-vjeçare është plagosur në sup nga një plumb qorr në banesën e saj në Sauk.
Sipas burimeve të Policisë nga Komisariati numër 1, ngjarja ka ndodhur dje rreth orës 21:00, në rrugën “Selim Brahja”, Sauk.
“Në oborrin e banesës është plagosur (gërvishtur) aksidentalisht në pjesën e supit, nga një plumb (qorr) shtetasia M. G., 42 vjeçe, e cila pasi mori ndihmë mjekësore në spital, u largua për në banesë, jashtë rrezikut për jetën”, thuhet në njoftim.
Në cilësinë e provës materiale u gjet dhe sekuestrua një predhë municioni luftarak model 56. Po punohet për identifikimin dhe kapjen e autorit/ëve. /e.a/
Foto: Ilustruese
